काठमाण्डौँ। डोटीमा बँदेलको आक्रमबाट एक महिलाको मृत्यु भएको छ। केआइसिंह गाउँपालिका–१ मा बँदेलको आक्रममा परेर घाइते भएकी ३५ वर्षीया जगुलीदेवी भुलको मृत्यु भएको हो।

मंगलबार बिहान ७२ वर्षीय भगी भुल र जगुलीदेवीलाई बँदेलले आक्रमण गरेको थियो। दुवै जनालाई उचारका लागि अस्पताल पुगाउने क्रममा जगुलीदेवीको बाटोमै मृत्यु भएको जिल्ला अस्पताल डोटीले जनाएको छ ।

प्रहरी कार्यालय डोटीका प्रहरी नायव उपरीक्षक सीताराम विष्टका अनुसार जगुलीदेवीको टाउको र दुवै खट्टामा चोट लागेको थियो । भगी भुलको भने टाउकोमा सामान्य चोट लागेको छ।