सुर्खेत । जिल्लाको गुर्भाकोट नगरपालिले एमबिबिएस अध्ययनरत वडा नम्बर ६ का भुपाल वलीलाई शैक्षिक सामाग्री हस्तान्तरण गरेको छ । शनिवार वलीलाई नगरपालिकामै बोलाएर शैक्षिक सामाग्री हस्तान्तरण गरिएको नगर प्रमुख हस्त पुनले बताए ।
एमबिबिएस अध्ययन गरिरहेका वलीको आर्थिक अवस्था कमजोर भएका कारण उनलाई एक लाख बरावरको शैक्षिक सामाग्री हस्तान्तरण गरिएको उनको भनाई छ ।
भर्खरै वलीले एमबिबिएस अध्ययनका लागि नाम निकालेका छन् । नाम निकालेर भर्खर पढाई सुरु गरेका वलीको आर्थिक अवस्था निकै कमजोर भएको तथा शैक्षिक सामाग्री उपलब्ध गराईदिन वडा कार्यालयबाट सिफारिस भई आएकाले शैक्षिक सामागी हस्तान्तरण गरिएको नगर प्रमुख पुनले बताए ।
वलीले विद्यालय तहको शिक्षा श्री नेपाल रास्ट्रीय माध्यमिक विद्यालय (नुमा मावि) मा अध्ययन गरेका थिए । आर्थिक रुपमा बिपन्न भई पढाईलाई अगाडी बढाउन नसकेका नगरपालिकाभित्र स्थायी रुपमा बसोबास गरी बिभिन्न क्षेत्रमा अध्ययन गरिरहेका विद्यार्थीको पहिचान गरि नगरपालिकाले आउने वर्ष देखि बजेट विनियोजन गरेर यस्ता कार्यक्रमलाई अगाडी बढाउने नगरप्रमुख हस्त पुनले जानकारी दिए ।
नेपालीरैबार । २०८१ माघ १३, आईतवार