सुर्खेत।  समावेशी शिक्षा र लैंगिक हिंसा न्युनिकरण सम्बन्धि अन्तरक्रिया गरिएको छ । शिक्षाका लागि राष्ट्रिय अभियान कर्णाली प्रदेश समितिको आयोजना तथा शिक्षाका लागि राष्ट्रिय अभियान जिल्ला समिति सुर्खेत र सुन्दर नेपाल संस्थाको समन्वयमा कार्यक्रम गरिएको हो ।

अन्तराष्ट्रिय श्रमिक महिला दिवसका अवसरमा किशोरीहरुसँग छलफल गरिएको थियो । किशोरीहरुले आफूहरुले भोग्नुपरेका समस्याका बारेमा खुलेरै बोलेका थिए । लैंगिकता सम्बन्धि संविधानमा गरिएका व्यवस्था र भइरहेका अभ्यासबारे समेत जानकारी गराइएको थियो ।

यो वर्षको अन्तराष्ट्रिय श्रमिक महिला दिवसको नारा ‘सबै महिला बालबालिकाको अधिकार,समानता र सशक्तिकरण’ भन्ने तय गरिएको छ । निशुल्क र गुणस्तरीय सार्वजनिक शिक्षा सम्भव छ भन्ने ध्येका साथ शिक्षा क्षेत्रमा काम गरिरहेको अभियानका कर्णाली प्रदेश संयोजक भूपेन्द्र कँडेलले बताए ।

उनका अनुसार विभिन्न सचेतनाका कार्यक्रम समेत राखिएको छ । प्ले कार्ड निर्माण गरेर सचेतनामूलक कार्यक्रम गर्ने र अभिमूखिकरण गर्ने जनाइएको छ । पछिल्लो समय खस्कदो गुणस्तरी शिक्षा र बालिका शिक्षालाई प्रभावकारी बनाउन लागि परेको कँडेलले बताए ।