सुर्खेत। दैलेखमा कक्षा १२ को परीक्षाका लागि तोकिएका दुई जना केन्द्राध्यक्षले राजीनामा दिएका छन् । दैलेखको चामुण्डा माध्यामिक विद्यालय हाडाकोटका प्रधानाध्यापक भरत कुमार दास र आठबीस नगरपालिकाको तिलेपाटास्थित कालिका माध्यमिक विद्यालयका प्रधानाध्यापक भक्तिप्रसाद उपाध्यायले शिक्षक आन्दोलनलाई समर्थन गर्दै केन्द्राध्यक्षबाट राजीनामा दिएका हुन् ।

दुवै जनाले राष्ट्रिय परीक्षा बोर्डका परीक्षा नियन्त्रकलाई सम्बोधन गर्दै राजीनामा दिएका हुन् । राजीनामा पत्रमा उनीहरुले परीक्षा बोर्डका परीक्षा नियन्त्रकलाई हुकुमी शैलीमा परीक्षा केन्द्रमा जान आदेश दिएको भन्दै त्यस्तो अवस्थामा जान सकिने भनेका हुन् ।

गत चैत २० गतेदेखि सडक आन्दोलन गर्दै आएको नेपाल शिक्षक महासङ्घले कक्षा १२ को परीक्षामा सहभागी नहुन अनुरोध गरेको छ । तर, बोर्डले भने जसरी भए पनि परीक्षा गर्ने अडान लिएको छ ।